បណ្ឌិត Kanwar បានបញ្ចប់ការសិក្សាថ្នាក់បណ្ឌិតក្នុងឆ្នាំ ១៩៨១ នៅសកលវិទ្យាល័យ Iowa នៃសហរដ្ឋអាមេរិក ជំនាញវិស្វកម្មកសិកម្ម និងធនធានទឹក។ ក្នុងឆ្នាំជាមួយគ្នានេះដែរ គាត់បានក្លាយជាសមាជិកម្នាក់នៅក្នុងមហាវិទ្យាល័យនៃសកលវិទ្យាល័យ Iowa។ លោកបានតែងតាំងជាសាស្ត្រាចារ្យកិត្តិយស នៅក្នុងឆ្នាំពី ២០០៩ និងបានបម្រើការជា ប្រធានដេប៉ាតឺម៉ង់ក្នុងកំឡុងឆ្នាំ ២០០១ ដល់ឆ្នាំ ២០១១។ លោកបានធ្វើការជាអ្នកប្រឹក្សានៅក្នុងគម្រោងជាច្រើនមានដូចជា World Bank, FAO, USAID, EC, NATO និង UNDP ដែលការងារទាំងនេះបានធ្វើអោយលោកបានធ្វើដំណើរទៅកាន់់ជាង៦០ប្រទេសនៅលើពិភពលោក។ ឆន្ទៈរបស់លោក គឺចង់លើកស្ទួយអោយមានការអភិវឌ្ឍន៍ក្នុងវិស័យអប់រំនៃថ្នាក់ឩត្តមសិក្សា និងពង្រឹងសមត្ថភាពសិស្សនិស្សិត ដើម្បីក្លាយទៅជាប្រជាពលរដ្ឋដែលមានភាពទំនួលខុសត្រូវខ្ពស់នៅក្នុងសង្គមនៃសកលលោកទាំងមូល។